اوقات بحب حاجات مايحبهاش غيري

اوقات بحب حجات مايحبهاش غيري
ــــــــــــــــــــــــــــــــــــــــــــــــــــــــــــ
بحب احكي معاك .. ولاعندي فكرة انت مين
ساعات بقول انت نفسي.. وساعات بقول نفسي مين
جوايا ليك كوم مشاعر.. كوكتيل كره وحنين
دايما بتسمع كلامي.. وانت ساكت حزين
عمرك مابعدت عني.. في عقلي عايش سجين
سور عقلي عالي ومكهرب.. على سره انت امين
ومهما زادت الامي.. ماسمعت لك يوم انين
هو انت حاسس بحالي؟؟ ولا انت وهم السنين؟؟

هو انا بكلم مين وايه الي جابني هنا؟؟

قوم يا مصري

لقيت الشيء الي كتبته يوم ما عملت البلوج من شهر او حاجة زي كدة.. شيء ما اسمه قوم يامصري

قوم يامصري.. كفاية نوم ..
بكرة جه محمل وشايل
شايل شوال مليان هموم..
مخروم والغلب منه سايل
قوم يامصري..
مصر لسة بتناديك..
اعمل حاجة بأة..
املي كله بين ايديك
وماتقولش ايه اديتنا مصر..
واكفي ع الخبر مجور
عين الحسود زارقا انت عارف..
وهتبقى ازمة في البخور
ولا اقولك!!
كاتش كادر في الالولو.. حب نادية وحب لولو